(Paris) 04 Sab 2018 PSG ayaa qaab muran badan dhaliyay kula wareegtay xaggaagii 2017 xiddiga reer Brazil ee Neymar kadib markii ay bixisay qiimaha lagu burburin karo qandaraaskiisa.
Mundo Deportivo ayaa baahisay in Eric Abidal uu si gaar ah ula kulmay agaasimaha ciyaaraha ee PSG si uu ugu fududeeyo saxiixa Adrien Rabiot.
Laakiin agaasimaha ciyaaraha PSG ayaa ku wargaliyay Abidal in kooxdiisu ay ka doonayso Barcelona xiddig kale oo ay kula wareegayso isla qaabkii Neymar.
Laacibka ay PSG ka doonayso Barcelona ayaa ah Ousmane Dembele, waxay isku dayday saxiixiisa maalmihii ugu danbeeyay ee suuqii xaggaaga gaar ahaan markii Barca ay dhamaystirtay saxiixa Malcom.
PSG ayaa dadaal badan ku bixin doonta xaggaaga 2019 saxiixa laacibka reer France ee Ousmane Dembele.
Gool FM