(Madrid) 05 Sab 2018 Weerar yahanka xulka France iyo Atletico Madrid ayaa banaanka soo dhigay caradiisa ku aadan qaabkii FIFA ay u dooratay 3-da tartame ee abaal marinta The Best.
FIFA ayaa ku dhawaaqday seddexda laacib ee sanadkaan ku tartamaya abaal marinta The Best kuwaas oo kala ah Ronaldo, Modric iyo Salah.
Antoine Griezmann ayaa ku guulaystay koobka adduunka, sidoo kale wuxuu kooxdiisa la qaaday koobka labaad ee yurub ee Europa League.
Isaga oo ka caraysan go’aanka FIFA ayuu yiri:
“Ka maqnaashahayga liiska kama danbaysta ah ee abaal marinta The Besta waa la yaab, waxaan rumaysanahay inay tahay ceeb”.
“Waa liiska kama danbaysta ah ee abaal marinta uu bixiyo xiriirka kubadda cagta adduunka, koobka FIFA waa koobka adduunka”.
“France ayaana ku guulaysatay, liiskana kuma jiro laacib Faransiis ah, dabcan taasi wax micno ah malahan”.
Gool FM