(Liverpool) 18 Sab 2018 Halyeeyga kooxda Liverpool ee John Aldridge ayaa uga digay qatarta Neymar ciyaartoyda kooxdiisa.
John Aldridge ayaa u sheegay ciyaartoyda Liverpool in Neymar uu yahay qiyaanoolaha kubadda cagta ee waqti xaadirkaan.
Digniinta ayaa ah in ciyaartoydu ay ka foojignaadaan qiyaanadiisa maadaama uu yahay laacib inta badan is tuura waliba goobaha halista ah.
“Ciyaartoyda Liverpool waa inay ka foojignaadaan qiyaanada Neymar waayo waa qiyaanoolaha ugu wayn kubadda cagta” ayuu yiri John Aldridge.
“Ma rumaysan karo inta istuur ee Neymar uu sameeyay koobkii adduunka ee 2018 lagu qabtay Ruushka, waxaa loo baahan yahay in garsooraha iyo daafacyada Liverpool ay dhamaantood is adkeeyaan”.
John Aldridge ayaa kula taliyay daafacyada Liverpool inay ka fogaadaan in Neymar ay la galaan loolan nacasnimo ah.
Gool FM