(London) 24 Sab 2018 Tababaraha xulka qaranka France ayaa ku guulaystay abaal marinta tababarihii ugu fiicnaa adduunka ee 2018.
Didier Deschamps ayaa ku guulaystay inuu xulkiisa u gacan galiyo koobka ugu wayn adduunka oo sanadkaan lagu qabtay Ruushka.
Wuxuu abaal marintaan ka dul qaaday tababareyaal uu kamid yahay tababarihii hore ee Real Madrid ee Zinedine Zidane.
Didier Deschamps ayaa yiri ku guulaysiga abaal marinta kadib:
“Waxaan doonayaa inaan u hambalyeeyo Zidane iyo Zlatko Dalic oo suurogal ay ahayd inay ku guulaystaan abaal marintaan”.
“Sidoo kale, waxaan u mahadcelinayaa madaxwaynaha xiriirka kubadda cagta France, dhamaanteen sidaan wada ognahay tababaraha kaligiis waxma qaban karo haddii ciyaatoydu aysan garabsiin”.
Gool FM