(Paris) 26 Sab 2018 Laacibka kooxda PSG ee Neymar ayaa saxiix cajiib ah ka hor istaagaya Real Madrid sida uu baahiyay wargayska Globo Esporte.
Kooxaha Real Madrid, Barcelona, PSG, AC.Milan iyo Juventus ayaa doonaya saxiixa da’yarka reer Brazil ee Lucas Paqueta.
Neymar ayaa loolan adag la galaya Real Madrid si Lucas Paqueta uu ugu qanciyo inuu kula biiro kooxda lacagta badan ee PSG dhamaadka xiliciyaareed kaan.
Neymar ayaa qaadaya tilaabadaan kadib markii uu ogaaday in Marcelo uu dadaal xoogan ugu jiro sidii Lucas Paqueta uu ku gayn lahaa Real Madrid.
Marcelo ayaa 21 jirkaan u diray muuqaal uu uga codsanayo inuu kula soo biiro Real Madrid, Neymar ayaana qaadaya tilaab lamid ah mida Marcelo si Lucas Paqueta uu u geeyo caasimada Faransiiska.
Gool FM