(France) 01 Nof 2018. Guul daradii foosha xumeyd ay Barcelona ku dhigtay Real Madrid kulankii El Calsico ay kaga adkaatay 5-1 ayaa waxaa shaqadiisa ku waayay tababare Lopetegui, waxayna sidoo kale dhibaato u keentay xiddigaha PSG ee Kylian Mbappe iyo Adrien Rabiot.
Labada laacib ayaa keydka lagu cabay kulankii axada ay kooxdoodu la ciyaartay Marseille kaddib markii ay daawadeen kulanka El Clasico.
Mbappe iyo Rabiot ayaa 25-daqiiqo ka soo daahay kulanka kooxda ee ciyaarta ka hor, maadaama ay dhammeysanayeen daawashada qeybta hore ee kulankii El Clasico.
Tababare Thomas Tuchel ayaana labada laacib ganaax uga dhigay inuu keydka dhigo kulankii ay la yeesheen Marseille.
Neymar ayaa tababare Tuchel ku taageeray go’aanka uu ku ciqaabay labada laacib, kaddib wareysi uu bixiyay ciyaarta kaddib.
Gool FM.