( Paris ) 13 Nof 2018. Paul Pogba iyo Anthony Martial ayaa laga saaray safka xulka France ee wajahaya Netherlands iyo Uruguay, si lamida waxaa isna laga tagay daafaca Manchester City Benjamin Mendy.
Pogba oo bowdada ka dhaawacan ayaa seegay kulankii Manchester United qasaarada 3-1 ay kala kulantay City axadii, intii lagu guda jiray dheeshaas saaxiibadii Martial iyo Mendy ayaa iyaguna dhaawac kusoo gaaray.
Weeraryahanka Arsenal Alexandre Lacazette iyo laacibka qadka dhexe Tottenham Moussa Sissoko waxay ahaayeen kuwa loogu yeeray badalkooda.
Laakiin laba saacadood kaddib Lacazette ayaa sido kale looga saaray dhaawac sida loo maleynayo.
Taa ayaa tusiday in dhaliyaha Borussia Monchengladbach ee Alassane Plea, oo 25-jira oo helo markii u horreysay in xulka uu u cayaaro, halka dambeedka bidix ee Lyon Ferland Mendy, oo 23-jira ayaa sido kale rajeynaya inuu sameyo safashadiisa ugu horreysa kaddib markii loogu yeeray booska Mendy.
Pogba, Mendy iyo Martial, kuwaa uu dib ugu yeeray Didier Deschamps todobaadkii hore, ayaa warbaahinta France ee Clairefontaine ay warinayeen Isniintii.
Go’aanka Lacazette uusan ugu biiray safka kooxda ayaa yimid kaddib markii maamulka Les Bleus ay la hadleen waaxda caafimaadka naadiga Arsenal.
France ayaa kulan cayaareed kamida tartanka horyaalka qaramada yurub ee Nations League la cayaari doonta Netherlands kulan ka dhici doona Rotterdam 16 November ka hor inta aysan cayaar saaxiibtinimo kula qaadan Uruguay garoonka Stade de France 20 November.
Gool FM.