(PSG) 15 Nof 2018. Josep Maria Minguella oo ah wakiilka laacibka reer France iyo kooxda Paris Saint-Germain ee Kylian Mbappé ayaa wuxuu shaaca ka qaaday in adeega laacibkan uu u bandhigay kooxda Barcelona xagaagii lasoo dhaafay.
Wakiilka laacibka reer France iyo kooxda Paris Saint-Germain ee Kylian Mbappé ayaa wareysi uu ku bixiyay wargeyska “Sport” ee dalka Spain wuxuu kaga hadlay arintan.
“Waxaan u bandhigay Kylian Mbappé kooxda Barcelona 5-ta bishii Agoosto ee sanadkii hore, balse way iska indho tireen”.
“Waxay ila tahay in kooxda Barcelona ay ka qoomameyn doonto 10-ka sano ee soo socota qaladkii ay ku kaceen”.
“Kylian Mbappé wuxuu doonayay inuu ku biiro kooxda Barcelona si uu kaga garab ciyaaro Lionel Messi”.
“Aabaha dhalay Kylian Mbappé wuxuu ii sheegay in wiilkiisa uu ku faraxsanaan lahaa hadii uu ka garab ciyaaro Lionel Messi”.
Si kastaba Kylian Mbappé ayaa suuqii xagaaga ee lasoo dhaafay ugu dhaqaaqay kooxda Paris Saint-Germain heshiis amaaha ah, kahor inta aan heshiiska lagu dameystirin qiimo dhan 180 milyan euro.
Gool FM.