( Paris ) 17 Nof 2018. Paris Saint-Germain ayaa diyaar u ah iney ku garaacdo dhigeeda Bayern Munich saxiixa laacibka Arsenal Aaron Ramsey iyagoo qaatay talada maamulihii hore ee kooxdaa Arsene Wenger.
Cayaariyahanka heerka caalmi ee dalka Wales ayaa heshiiskiisa dhacayaa dhammaadka kal cayaareedkan kaddib markii kooxdu ay isaga baxday iney u kordhiyaan qandaraaska.
Waxaa la warinayay in Ramsey uu u hayaami doono Munchin, Balse haatan Parsi United ayaa ku warameysa in PSG ay isku dayeyso iney la wareegto laacibka kasoo uu kula taliyay Wenger.
Ninka reer French, ayaa lasoo saxiixday Ramsey 10-sano ka hor, Wuxuuna xiriir wanaagsan la leh maal qabeenka PSG iyadoo nafsad ahaantiisa lala xariiranayay inuu noqonayo agaasimaha cayaaraha kooxda.
Wuxuu hore ula kulmay maamulaha PSG Thomas Tuchel kasoo uu kala hadlay suuragalminada ay kula wareegi karaan Ramsey, wallow Wenger uu u cabsi qabo kooxda heysata horyaalka French.
Ramsey ayaa mar waliba ahaa mid si xoogan u heystay dhaawac waqtiigiisa Arsenal, halka uu ku guuldarreystay inuu boos ka heli kooxda Unai Emery, laakiin Wenger ayaa ku qanacsan inuu jeclaan lahaa in PSG ay gacanta ku dhigso laacibkiisii hore.
Kooxda French ayaa qudhooda eegeysa badalka xiddigaha kooxda faarujiyay ee Thiago Motta iyo Giovani Lo Celso.
Gool FM.