(Paris) 08 Dis 2018 Kooxda reer France ayaa war rasmi ah ka soo saartay mustaqbalka xiddigaheeda kala ah Kylian Mbappe iyo Neymar.
PSG ayaa la sheegay inay ku qasbanaan doonto inay iska iibiso midkood Kylian Mbappe iyo Neymar si ay uga fogaato ganaax uga yimaada UEFA ee ku aadan jabinta sharciga dhaqaale wanaaga kooxaha yurub.
Wargayska L’Equipe ayaa baahiyay in PSG ay ku fikirayso inay iska iibiso midkood Neymar oo ku fadhiya 222 milyan oo euro ama Kylian Mbappe oo ku fadhiya 180 milyan oo euro.
Kooxda reer France oo ka carootay warka lagu daabacay wargayska L’Equipe ayaa sheegtay in wargaysku uu yahay mid isku dayaya inuu dadka lumiyo.
“Wararkaas waa been abuur waana war la yaab leh, L’Equipe waa wargays u samaysan inuu dadka lumiyo” ayaa lagu yiri bayaan saaka ka soo baxay PSG.
PSG ayaa balan ku qaaday inay sharciga la tiigsan doonto wargayskaan ugu afka dheer dalka France kadib markii uu isku dayay inuu meel uga dhaco sharafta kooxda iyo guulaheeda.
Gool FM