(Turin) 09 Dis 2018 Juventus oo dadaal ugu jirta hanashada koobka horyaalada yurub ayaa xiddig muhiim ah ka doonaysa PSG.
CalcioMercato ayaa daaha ka qaaday in kooxda reer talyaani ay u diyaar garoobayso sidii ay ku soo xerogalin lahayd Kylian Mbappe dhamaadka xiliciyaareed kaan.
Kooxda reer talyaani ayaa fursad fiican u aragta dhibaatada u dhexeysa PSG iyo xiriirka kubadda cagta yurub kaas oo salka ku haaya jabinta sharciga dhaqaale wanaaga kooxaha yurub.
PSG ayaa ku qasbanaan doonta inay iska iibiso Kylian Mbappe ama Neymar midkood dhamaadka xiliciyaareed kaan si ay uga badbaado in laga saaro Champions League ama in lagu rido ganaax kale oo culus.
Juventus ayaa xaggaagii hore bilowday soo iibsiga xiddigaha ugu shidan yurub waxayna soo xerogalisay Ronaldo, qorshaha ayaana haatan ah sidii kooxda loogu soo dari lahaa Kylian Mbappe ama Eden Hazard midkood.
Gool FM