(PSG) 31 Dis 2018. Paris Saint-Germain ayaa ku jirta xaalad jahwareer ah ee ku aadan suurtogalnimada ay kula saxiixaneyso xiddiga kooxda Real Madrid Francisco Isco.
Wargeyska 10-ka Sport ayaa soo wariyay in madaxweynaha kooxda PSG ee Nasser Al-Khelaifi uu xiriir la sameeyay aabaha dhalay Francisco Isco, si ay uga wad hadlaan suurtagalnimada ay ku heli karan saxiixa wiilkiisa.
Agaasimaha ciyaaraha ee kooxda PSG Antero Henrique ayaa isn dhankiisa sheegay in kooxdiisa ay u baahan tahay laacib leh tayada sida Isco oo kale.
Kooxo kale ayaa eeganaya xaalada xiddiga reer Spain, sida Manchester City, Juventus, Chelsea iyo Barcelona.
Taas bedelkeeda, tababaraha kooxda PSG ee Thomas Tuchel ayaa aaminsan in mudnaanta koowaad ay kooxdiisa siiso sid ay ku sameyn lahayd saxiixa ciyaaryahan si wanaagsan kaga ciyaari kara qeybta dhexe ee difaaca.
Thomas Tuchel ayaa sheegay in ka badan hal jeer inuu u baahan yahay sameynta saxiixa laba xidig ee khadka dhexe ah, kadib markii la xaqiijiyay bixitaanka Adrien Rabiot.
Dhinaca kale Francisco Isco ayaa dhankiisa sheegay inuusan ka tagi doonin kooxdiisa Real Madrid inta lagu jiro xiliga qaboobaha.
Gool FM.