(PSG) 20 Jan 2019. Weeraryahanka xulka qaranka France iyo kooxda Paris St Germain ee Kylian Mbappé ayaan meesha ka saarin inuu albaabada u furo iyo suurtaglnimada uu ugu biiri karo safka kooxda Real Madrid.
Kooxda Paris St Germain ayaa kaga badisay dhigeeda Guingamp 9-0 kulan ka tirsanaa horyaalka France – Ligue 1, xili Mbappé uu kulankan ka dhaliyay saddexley.
Kylian Mbappé ayaa wareysi uu bixiyay ciyaarta kadib wuxuu kaga hadlay wararka xanta ah ee lala xiriirinyo kooxda reer Spain ee Real Madrid wuxuuna yiri:
“Waan ku faraxsanahay halkan kooxda Paris Saint-Germain, waxaana kula jiraa qandaraas gaarsiisan ilaa iyo June 2021, sidaas darteed waxaan u maleenayaa in ka hadlida arimaha kale ay yihiin xili hore”.
“Hadii aad tahay qof ku faraxsan Real Madrid, anigana waxaan farxad ku dareemayaa halkan, laakiin kubada cagta ma ogaan kartid waxa dhici doona mustaqbalka”.
“Waxaan ogahay in aan halkaan sii joogi doono ilaa iyo dhamaadka sanadka haatan socda, kadibna waan arki doonaa waxa dhaca”.
Gool FM.