(Paris) 25 Feb 2019. Weeraryahanka kooxda kubadda cagta Paris Saint-Germain ee waddanka Faransiiska Edinson Cavani ayaa dib ugu soo laabanaya garoommada ciyaarta ay Sabtida PSG la ciyaari doonto Caen.
Tababaraha kooxda PSG Thomas Tuchel ayaa sheegay in Cavani uu ku soo laabtay tababarka, isla markaana uu ciyaari doono kulanka Caen.
Cavani ayaa dhaawac sinta ka soo gaaray ciyaar ay PSG la yeelatay Bordeaux 9 Febraayo taasoo ka tirsanayd Horyaalka Ligue 1 ee Faransiiska.
Dib ugu soo laabashada garoommada ee weeraryahanka Reer Uruguay Cavani ayaa ku soo aadaysa maalmo yar ka hor ciyaarta is aragga labaad ee 16 dhammaada Champions League ee ay PSG garoonkeeda kula yeelan doonto Manchester United 06 Maarso, halka weli uu dhaawac ku maqan yahay xidigga kale ee PSG Neymar Junior.
Gool FM