(yurub) 22 Maarso 2019. Wargeyska “AS” ee dalka Spain ayaa wuxuu shaaca ka qaaday in kooxda Paris-Saint-Germain ay u soo bandhigtay xidiga khadka dhexe Manchester United ee Ander Herrera.
Khadka dhexe reer Spain ee Ander Herrera ayaa heshiiska uu haatan ku joogo kooxda Manchester United wuxuu dhacayaa dhamaadka xili ciyaareedkan.
Laakiin Manchester United ayaa waxay wadahadal kula jirtaa Ander Herrera si ay kaga saxiixato qandaraas cusub, si ay kaga fogaato in beeca xurta ah uu kaga dhaqaaqo garoonka Old Trafford xili ciyaareedka soo aadan.
Wada hadalka labada dhinac ayaa si fiican u socdey xiliyadii lasoo dhaafay, kahor inta aysan kooxda Paris-Saint-Germain soo faragalinin.
Paris Saint-Germain ayaa u soo bandhigtay Ander Herrera mushahar uu isbuucii ku qaadan doono 170 kun ginni, iyo in uu qalinka ku duugi doono heshiis saddex sano ah, waa hadii uu ogolaado dalabka kaga yimid PSG.
Dhinaca kale wararka ayaa waxay intaas ku sii darayaan in kooxda Red Devils ay ku sii dhawaaweynso in ay heshiis la gaarto Ander Herrera, si uu u saxiixo heshiis gaaraya ilaa iyo 2022, iyadoo isbuucii uu mushaar ahaan u qaadan doono 100 kun ginni, laakiin dalabka PSG ayaa laga yaabaa inuu bedelo go’aanka xidigan.
Gool FM.