(Turin) 04 Luulyo 2019. Kooxda kubadda cagta Juventus waxa ay shaacisay in goolhaye Gianluigi Buffon uu dib ugu soo laabtay.
Naadiga Bianconeri ayaa xaqiijisay in goolhayahan halyeyga ah ee Gianluigi Buffon uu dib ugu soo laabtay kooxda isla markaana uu ka gudbay tijaabada caafimaad goordhow.
The Old Lady waxa ay shaacisay Sawirrada xiddigan reer Talyaani ee Gianluigi Buffon oo tijaabada caafimaad ku maraya xarunteeda J-Medical.
41-sano jirkaan ayaa xilli ciyaareedkii la soo dhaafay ku qaatay kooxda Paris Saint-Germain ee Waddanka Faransiiska, laakiin waxa uu doonayaa inuu xirfaddiisa ciyaareed ku soo gabagabeeyo Naadiga The Old Lady lagu naanayso.
Buffon ayaa u saftay kooxda Juventus 656 kulan intii u dhaxaysay sanadihii 2001 iyo 2018, waxaana uu kula guuleystay sagaal horyaalka Serie A ee Scudetti.
SAWIRRO:
Gool FM.