(Spain) 28 Agoosto 2019. Wefdi kooxda Blaugrana oo ka kooban Javier Bordas, Oscar Grau, Eric Abidal iyo Andre Cury oo shalay gaaray magaalada Paris, ayagoo galankii dambe dib ugu soo laabtay magaalada Barcelona, waxayna sheegeen inay ku dhow yihiin saxiixa Neymar Jr.
Halyeeyga kooxda Barcelona iyo xulka qaranka Brazil ee Rivaldo ayaa sheegay in Neymar Jr uu qalad weyn ku lahaa go’aankii uu kaga dhaqaaqay Blaugrana.
Laakiin Rivaldo ayaa dhinaca kale sheegay inuu rajo weyn ka qabo in maamulka kooxda Barcelona ay ogolaan doonaan soo laabashadiisa, isla markaana aysan u ogolaanin inuu ku biiro koox kale.
Neymar Jr ayaan dooneynin inuu markale dib u xirto maaliyada Paris Saint-Germain, iyadoo ujeedkiisa ugu weyn uu yahay inuu kaga tago magaalada Paris si walba ay noqoto.
Haddaba Rivaldo ayaa fariin uu ku soo qoray boggiisa rasmiga ah ee Instagram-ka wuxuu kaga codsaday saraakiisha kooxda Barcelona inay lasoo saxiixdaan Neymar Jr, isagoo carabka ku adkeeyay inuu ciyaaryahanka sameeyay khalad weyn markii uu ka tagay xagaagii 2017.
“Qof walba wuu ogyahay waxa ku dhacay Neymar Jr, ka tagastiisa Barcelona wuxuu ahaa qalad weyn, ma aheyn inuu ka tago mid ka mid ah kooxaha ugu waa weyn adduunka, laakiin haatan wuxuu doonayaa inuu ku laabto”.
“Waxaan rajeynayaa in maamulka Barcelona aysan u oggolaan doonin inuu ku biiro koox kale, in wax walba ee ku aadan Paris Saint-Germain la xalin doono, isla markaana uu ku laaban doono meeshii ku habooneyd inuusan ka tagin”.
Gool FM.