(Paris) 03 Sebt 2019. Suuqa kala iibsiga xiddigaha Yurub ayaa soo xirmay, iyadoo ay ka dhaceen xagaagan saxiixyo waa weyn oo lacago qaali ah ku fadhiya.
Haddaba waxaan halkaan hoose ku eegeynaa shanta saxiix ee ugu qaalisanaa horyaalka Faransiiska ee Ligue 1 xagaagan:-
>- Ciyaaryahanka ugu qaalisan ee ku biiray horyaalka Faransiiska xagaagan waa Wissam Ben Yedder, kaasoo ka soo tagay Sevilla oo 37 milyan oo gini ugu biiray naadiga Monaco.
>- Xiddiga labaad ee ugu qaalisan Ligue 1 xagaagan waa Idrissa Gueye kaasoo ka soo tagay kooxda Everton heshiis 29 milyan oo gini ahna ugu biiray Naadiga PSG.
>- Saxiixa saddexaad ee xagaagan ugu qaalisanaa horyaalka Ligue 1 waa Abdou Diallo oo ku biiray kooxda PSG kaddib markii uu heshiis dhan 29 milyan oo gini uga soo dhaqaaqay Borussia Dortmund.
>- Waxaa kaalinta afaraad ee saxiixyada ugu qaalisan xagaagan horyaalka Faransiiska ka soo muuqday Jeff Reine-Adélaïde oo ka soo tagay Angers kaasoo heshiis 23 milyan oo gini ugu biiray kooxda Lyon.
>- Renato Sanches ayaana dhammaystiraya shanta saxiix ee xagaagan ugu qaalisanaa horyaalka Ligue 1, kaddib markii uu adduun dhan 23 milyan oo gini uga soo tagay FC Bayern kuna biiray kooxda Lille.
Gool FM.