(Paris) 30 Agoosto 2016 Kooxda PSG ee dalka faransiiska ayaa diirada saaratay weerar yahanka kooxda Real Madrid iyo xulka France ee Karim Benzema.
Sida uu baahiyay wargayska Corriere dello Sport, kooxda PSG ayaa u dhaqaaqi doonta soo xerogalinta Karim Benzema haddii Cavani uu dib ugu laabto kooxdiisii hore ee Napoli.
PSG ayaan doonayn in xaalku uu ku siixumaado kadib markii Zlatan Ibrahimovic uu katagay xaggaagan, kooxda ayaana doonaysa inay hesho weerar yahanka reer France ee Karim Benzema.
Edinson Cavani ayaa aad loola xiriiriyay kooxda Napoli oo baadigoob ugu jirta badalka Higuain oo ku biiray kooxda ay cadawga yihiin ee Juventus.
Wararka ayaa intaa ku daraya in dooqa koowaad ee kooxda PSG uu yahay Karim Benzema si ay ugu xaliyaan dhibaatada dhanka weerarka haddii uu katago Cavani.
Gool FM