(Paris) 31 Agoosto 2016 – Xiriirka Kubadda Cagta Faransiiska ayaa shaaca ka qaaday in laacibkooda Khadka Dhexe ee Moussa SIssoko, uu fasax uga tegay xerada tababarka xulkiisa ee Clairefontaine si uu koox cusub ugu biiro.
Tababaraha Faransiiska Deschamps ayaa xaqiijiyay in uu fasax siiyay Sissoko si uu u xaqiijiyo mustaqbalkiisa inta uusan xirmin suuqa kala iibsiga ciyaartoyda oo caawa ku eg, waxaana xulka Faransiisku ay ciyaaro is diyaarin ah la dheeli doonaan Italia (01 September) iyo Belarus (06 September).
Kooxo dhowr ah ayaa la la xiriirinayaa Sissoko inuu daqiiqadaha ugu dambeeya midkood ku biiri doono, waxaana ugu cad cad Tottenham, Real Madrid, Everton iyo Borussia Dortmund.
Gool FM.