(Nice) 01 Sabtembar 2016 – Weeraryahanka Talyaaniga ee Mario Balotelli ayaa si rasmi ah uga tagay kooxda Liverpool waxaana si joogta ah ugu biiray kooxda Faransiiska ka dhisan ee Nice.
Kaddib markii tababaraha kooxda Liverpool ee Jurgen Klopp u sheegay Mario inuusan qorshihiisa ku jirin oo uu raadsado koox cusub, waxa uu maalintii ugu dambeysay suuqa kala iibsiga ku biiray naadiga Nice.
Balotelli oo 26-sano jir ah ayaa ku hungoobay heshiis 16 milyan oo gini ahaa oo uu AC Milan uga soo wareegay sanadii 2014-kii, waxaana uu kaliya Liverpool u dhaliyay afar gool.
Balotelli ayaa ka ciyaari doona meel ka baxsan Talyaaniga iyo Ingiriiska markiisii ugu horreysay xirfaddiisa ciyaareed.
Mario oo heshiis qalinka ugu duugaya kooxda Nice
Gool FM.