(Nice) 01 Sebtembar 2016 – Weeraryahankii hore ee kooxda Kubadda Cagta Liverpool Mario Balotelli ayaa saakay tababarka la bilaabay naadigiisa cusub ee OGC Nice ee waddanka Faransiiska oo saacadihii ugu dambeeyay suuqa kala iibsiga kula soo wareegtay qaab bilaash ah.
Balotelli oo xilli ciyaareedkii hore amaah ku soo qaatay kooxdiisii hore ee AC Milan ayaa markii uu ku soo laabtay Liverpool aan la siinin fursad uu ku ciyaaro tan iyo Bishii April 2015.
Mario oo Liverpool ay 16 Milyan oo Gini kula soo wareegtay 2014 ayaa laba sanadood oo uu kooxdaasi la joogay waxaa keliya uu u saftay 28 kulan, isagoo u dhaliyay 4 gool oo qura oo midi uu ahaa Horyaalka Ingiriiska.
Weeraryahanka Talyaaniga Balotelli waxa uu haatan hal xilli ciyaareed u dheeli doonaa Nice oo haddii shuruudaha uu ka soo baxana la saxiixan doonta heshiis toos ah oo uu wehliyo mushaar sanadle ah oo dhan 4.5 Milyan oo Euro.
Le voilà ! Les premiers pas de Super Mario à Nice. pic.twitter.com/IQvgml31EL
— OGC Nice (@ogcnice) September 1, 2016
SAWIRRO:
Gool FM.