(Yurub) 15 Dis 2019. Kulammo dhowr ah oo ka tirsan shanta horyaal ee ugu waa weyn qaaradda Yurub ayaa maanta iyo caawa la ciyaari doonaa, iyadoo ay ku jiraan ciyaaro xiiso leh, waxaana sidoo kale dheeli doona xulkeenna Soomaaliya.
Waxaan halkaan idin kugu soo gudbinaynaa kulammada laga ciyaari doono maanta iyo caawa Shanta horyaal ee ugu weyn qaaradda Yurub ee kala ah; English Premier League, Italian Serie A, La Ligaha Spain, Bundesliga Jarmalka iyo Ligue 1 Faransiiska.
Inta aanan u gelin kulammada waa weyn ee laga ciyaarayo shanta horyaal ee ugu waa weyn qaaradda Yurub aan eegno kulammada ka tirsan tartanka bariga iyo bartamaha Afrika oo uu maanta ciyaarayo xulkeenna Soomaaliya kulan guul ama geeri ah.
Kulan ka tirsan Cecafa gaar ahaan guruubka A ayaa waxa uu xulkeenna Soomaaliya 1:30 Duhurnimo la ciyaarayaa Eritrea kulankaas oo uu guul u baahan yahay si uu u soo gudbo, halka 4:00 Galabnimo maanta ay walaalaha Jabuuti la ciyaarayaan marti-geliyeyaasha tartankan ee Uganda.
Aynu eegnee horyaalka Premier League Ingiriiska, waxaa jira kulamo waa weyn, waxaana ciyaaraha la sugi doono ka mid ah kulanka adag ee Manchester United ay soo dhoweynayso Everton iyo kulanka kale oo ay Arsenal qaabilayso Manchester City.
Dhinaca kale horyaalka La Ligaha Spain haddii aynu eegno waxaa maanta iyo caawa laga ciyaarayaa kulamo dhowr ah, waxaana ka mid ah kulanka aadka loo sugayo kaasoo ay 11:00 Habeennimo Real Madrid booqanayso kooxda Valencia.
Horyaalka Serie A haddii aynu eegnana kulamo waa weyn ayaa la ciyaari doonaa waxaana dhammaantood dheeli doona kooxaha waa weyn maanta iyo caawa ee AC Milan, Juventus, Inter Milan iyo AS Roma.
Dhinaca kale waxaa la dheeli doona kulamo ka tirsan horyaalka Bundesliga Jarmalka, waxaa labada kulan ee laga ciyaari doono maanta iyo caawa ay kala yihiin; Wolfsburg oo la dheelaysa Borussia Mönchengladbach & Schalke 04 vs Eintracht Frankfurt.
Horyaalka Ligue 1 ee Faransiiska haddii aynu eegnana kulamo dhowr ah ayaa la ciyaarayaa waxaana laga xusi karaa kulanka Kooxda Paris Saint-Germain ay booqanayso Saint-Etienne.
Haddaba halkaan hoose ka eeg kulammada caawa iyo maanta laga ciyaari doono shanta horyaal ee ugu waa weyn qaaradda Yurub iyo saacadda ay ciyaarahaasi soo geli doonaan geeska Afrika:-
AFRICA – CECAFA CUP:: GROUP A
1:30 Duhurnimo Somalia vs Eritrea
4:00 Galabnimo Uganda vs Djibouti
PREMIER LEAGUE
5:00 Galabnimo Manchester United vs Everton
5:00 Galabnimo Wolverhampton Wanderers vs Tottenham Hotspur
7:30 Fiidnimo Arsenal vs Manchester City
LALIGA SANTANDER
2:00 Duhurnimo Getafe vs Real Valladolid
4:00 Galabnimo Celta Vigo vs Mallorca
6:00 Maqribnimo RCD Espanyol vs Real Betis
8:30 Habeennimo Sevilla vs Villarreal
11:00 Habeennimo Valencia vs Real Madrid
SERIE A
2:30 Duhurnimo Verona vs Torino
5:00 Galabnimo Milan vs Sassuolo
5:00 Galabnimo Bologna vs Atalanta
5:00 Galabnimo Juventus vs Udinese
8:00 Habeennimo Roma vs SPAL
10:45 Habeennimo Fiorentina vs Inter
BUNDESLIGA
5:30 Galabnimo Wolfsburg vs Borussia Mönchengladbach
8:00 Habeennimo Schalke 04 vs Eintracht Frankfurt
LIGUE 1
5:00 Galabnimo Bordeaux vs Strasbourg
7:00 Fiidnimo Lyon vs Rennes
11:00 Habeennimo Saint-Etienne vs Paris Saint-Germain
Gool FM.