(Barcelona) 09 Jan 2020. Sida ay shaaca ka qaadeen wargeysyada gudaha dalka Faransiiska, waxaa soo baxaya horumar cusub ee la xiriira mustaqbalka xiddiga kooxda Barcelona ee Ousmane Dembélé.
Sida laga soo xigtay Raadiyaha “Monte Carlo” ee dalka Faransiiska kooxda kubadda cagta ee Barcelona ayaa waxay dooneysaa in markale ay fursad siiso Ousmane Dembélé, inkastoo dhaawacyadiisa ay noqdeen kuwo joogta ah.
Wararka ayaa waxay tilmaamayaan in saraakiisha kooxda Barcelona aysan diyaar u aheyn inay iibiyaan Ousmane Dembélé xilli ciyaareedkan.
Laacibka reer France ee Ousmane Dembélé ayaa kaddib marka uu ka soo kabto dhaawaca uu haatan qabo waxaa la qorsheynayaa inuu dagaalami doono si uu boos kaga helo shaxda joogtada ah ee kooxda Barcelona.
Dhinac kale waxaa la soo wariyayaa inuu jiro walaac ay Barcelona ka qabto dhaawacyada soo noqnoqday ee Ousmane Dembélé, marka lagu sii daro xakameyn la’aanta habdhaqankiisa ee gudaha garoonka.
Wararka ayaa waxay intaas ku sii darayaan in Barcelona ay u adeegsan doonto dhaqaalaha kaga soo xarooda iibka xiddiga reer France, laacibkoodii hore ee haatan u ciyaara kooxda Paris Saint-Germain ee Neymar Jr, si uu markale dib ugu soo laabto garoonka Camp Nou.
Gool FM.