(Paris) 19 Jan 2020. Paris Saint-Germain ayaa dooneysa in ay sameyso is badal xagga macalinka ah iyadoo xiriir toos ah la sameyneysa macalinka kooxda kubadda cagta Manchester City ee Pep Guardiola.
Wargeyska ka soo baxa dalka Englandee “Express” ayaa ku waramaya in Guardiola looga gacan haatinayo horyaalka Faransiiska gaar ahaan Paris Saint-Germain.
Pep oo shalay u dabaaldegay dhalashadiisii 49-aad ayaa heshiis kula jira kooxda Manchester City, taas oo uu u suuragaliyay sanad ciyaaredkii tagay in ay ku guuleysato gabi ahaan tartamada laga ciyaaro gudaha wadanka England.
Guardiola ayaa sheegay in 100% kooxdiisa Man City uu sii joogi doono xillli ciyaaredka soo aadan, taasi oo meesha ka saareysa cabsida laga qabo in uu ka tago Manchester City.
Malkiilayaasha kooxda Paris Saint-Germain ayaa doonaya in kooxdooda ay sare u sii qaadaan xagaaga soo adan, waxayna u arkaaan Pep Guardiola macalin sameyn kara wax walba.
Gool FM.