(Paris) 07 Sebt 2016 Tababaraha xulka qaranka Faransiiska ee Didier Deschamps ayaa niyad jab ka muujiyay barbarihii 0-0 ee xalay xulkiisu uu lagalay xulka Belarus.
Didier Deschamps ayaa sheegay in xulkiisu uu marwalba u ciyaaro guul oo kaliya taasna ay keentay inay ka niyad jabaan natiijadii ay ka heleen xulka Belarus, isreeb reebka koobka aduunka ee 2018.
47 jirkaan oo la hadlay L’Equipe dhamaadkii ciyaarta ayaa yiri:
“Xulkeenu sifiican ayuu u ciyaaray, gaar ahaan qaybtii dambe ee ciyaarta, waxaan ku guulaysanay inaan samayno fursado badan, waxaan wajahnay nasiib xumo daran”.
“Natiijadu ma ahan mid aan ku farxayno, dabcan waxaan doonaynay guul, waxaan dareemaynaa niyad jab wayn ciyaarta kadib, waayo marwalba waxaan raadinaa guusha”.
Gool FM