(Paris) 29 Abril 2020. Weeraryahanka kooxda Paris Saint-Germain ee Kylian Mbappé ayaa xaqiijiyay inuu heysto dhiirogalinta xiddigaha Cristiano Ronaldo iyo Neymar Jr.
Kylian Mbappé oo ka hadlayey shaqsiyaadka uu ku daydo, sida uu shaaca ka qaaday wargeyska “AS” ee dalka Spain, ayaa wuxuu yiri:
“Waxaan heystaa shaqsiyaad badan oo aan ku daydo”.
“Waxaa ka mid ah Cristiano Ronaldo, mar walba waan jeclaa isaga.”
“Sidoo kale waxaa jira Neymar Jr, waxaan fursad u helay inaan la ciyaaro, oo waxaan jeclaa isaga tan iyo markaan yaraa.”
“Cristiano iyo Neymar wali waxaan ka heystaa dhiirogalin, waa inaad markasta raadisaa waxa ugu fiican, Ronaldo iyo Neymar waxay dhiirogalin u noqon karaan qof walba”.
Gool FM.