(Paris) 15 Juun 2020. Kooxda kubadda cagta Paris Saint-Germain ee ka dhsian caasimadda Waddanka Faransiiska ayaa la soo warinayaa inay bartilmaameedsanayso Weeraryahanka aadka loo doon-doonayo ee Erling Haaland.
Paris Saint-Germain ayaa u aqoonsatay weeraryahanka kooxda Borussia Dortmund ee Erling Haaland inuu yahay bartilmaameedka suuqa kala iibsiga – sida laga soo xigtay Warsidaha Foot Mercato.
Kooxda reer France ayaa doonaysa in xiddigan reer Norwey uu noqdo kan ugu horreeya ee yimaada garoonka Parc des Princes xagaagan, madaama Thomas Tuchel uu doonayo inuu dhowr isbadal ku sameeyo shaxdiisa.
Haddii Kooxda PSG ay dhammeystirto heshiiska Haaland, waxay markaas u weecan doonaan da’yarta Rennes ee Eduardo Camavinga iyo ciyaaryahanka khadka dhexe ee Lazio, Sergej Milinkovic-Savic.
Haaland waxaa doonayey saxiixiisa kooxo dhowr ah oo ka mid ah kuwa ugu waa weyn qaaradda Yurub sida Real Madrid, Manchester United iyo kuwo kale.
Gool FM.