(Paris) 11 Okt 2016 Daafaca kooxda Real Madrid iyo xulka France ee Raphael Varane ayaa amaan huwiyay laacibka ay isku dalka yihiin ee Laurent Koscielny.
Xiddiga hogaamiya daafaca Arsenal ee Koscielny ayaa kulan cajiib ah soo bandhigay xalay markaas oo xulkiisa uu ka badbaadiyay in laga dhaliyo goolal kulankii ay 1-0 uga adkaadeen Holland.
Varane ayaa sheegay in Laurent Koscielny uu yahay mid kamid ah daafacyada ugu fiican yurub isaga oo la dhacay qaab ciyaareedkiisa.
“Laurent Koscielny waa difaac cajiib ah, la ciyaaridiisuna ay tahay mid raaxo leh, waa mid kamid ah daafacyada ugu fiican yurub, waxa uu soo bandhigayana ma ahan wax lama filaan ah” ayuu yiri Varane.
Koscielny oo xalay soo bandhigay qaab ciyaareed fiican ayaa loo doortay xiddigii ciyaarta.
Gool FM