(Torino) 22 Okt 2016 Agaasimaha guud ee kooxda Juventus Giuseppe Marotta ayaa shaaciyay inay suurogal tahay in kooxdiisu ay la soo wareegto Thiago Silva dhamaadka xiliciyaareed kan.
Qandaraaska Thiago Silva ee kooxda PSG ayaa ku eg dhamaadka xiliciyaareed kan, waxaana lala xiriiriyay inuu dib ugu laaban doono horyaalka talyaaniga.
Agaasimaha kooxda Juventus ee Giuseppe Marotta ayaa sheegay in kooxdiisu ay ka faa’idaysan doonto saxiixa Silva si lamid ah sidii ay 2011 uga faa’idaysteen saxiixa Pirlo.
“Thiago Silva waa laacib cajiib ah, mana garanayo waxa PSG ay ka damacsantahay mustaqbalka” ayuu yiri Giuseppe Marotta oo la hadlay Rai.
“Waxaa lagayaabaa inay fursad noo noqoto si lamid ah sidii aan horay ugu soo qaadanay Pirlo, waxaa loo malaynayay inay ka dhamaatay laakiin wuxuu sugay inay wax wayn ahayd inuu si bilaash ah noogu soo biiro”.
Gool FM