(Lisbon) 23 Agoosto 2020. Halyeyga reer Brazil ee Ronaldo Luís Nazário de Lima ayaa ka hadlay suurtogalnimada uu Neymar ku qaadi karo tartanka Champions League, ciyaarta caawa dhex mari doonta kooxaha Bayern Munich iyo Paris Saint-Germain
Garoonka The Estadio da Luz ayaa caawa marti gelinaya Final-ka Champions League 2019-20, kooxda reer France ee Paris Saint-Germain oo markeedii ugu horreysay iska xaadirisay Final-ka tartankan ayaa qaabilaysa Kooxda reer Jarmal ee shanta goor ku guuleysatay koobka ee Bayern Munich.
Wargeyska “Marca” ee dalka Spain ayaa wuxuu shaaca ka qaaday wareysi uu bixiyay Halyeyga reer Brazil, kulanka caawa ee finalka iyo xiddiga ay isku wadanka ka soo wada jeedaan ee Neymar Jr wuxuuna yiri:
“Wuxuu u baahan yahay inuu ku guuleysto finalka, si uu xilli ciyaareedka u dhameystiro”.
“Si fiican ayuu u soo ciyaaray kulamadii ugu dambeeyay, gaar ahaan marxaladihii ugu dambeeyay ee kulamadii dalka Portugal, wuxuuna sameeyay fursado badan oo goolal ah”.
“Balse kuma fiicneyn dhameystirka weerarada, nasiib wanaag iyo deganaansho ayuu ku heli karaa inuu naftiisa gool ka dhaliyo kulanka finalka”.
Gool FM.