(London) 28 Agoosto 2020. Chelsea ayaa si rasmi ah u shaacisay inay dhameystirtay saxiixa daafaca reer Brazil iyo kooxda Paris Saint-Germain ee Thiago Silva.
Blues ayaa ku dhawaaqday inay la saxiixatay kabtankii hore Paris Saint-Germain isla markaana ay ku soo qaateen beeca xurta ah.
Inta lagu gudi jiray siddeedii sano uu ku sugnaa caasimada Faransiiska, daafacan dhexe ayaa ku guuleystay 7 koob oo horyaalka Ligue 1 ah, oo ka mid ah 25-kii koob waa weynaa uu la qaaday PSG.
Inkastoo uu 36 jirsan doono bisha September, Thiago Silva ayaa wali ku jira qaab ciyaareed cajiib ah, isagoo sameeyay baasas dhameystiran waxaana taasi ay ka dhigeysaa in uu gaaray bartilmaameedkiisa 95.5%.
Isagoo saftay 204 kulan oo horyaalka ah, oo ay ku jiraan 200 kulan uu ku soo bilawday PSG, Thiago Silva ayaa xilli ciyaareedkii la soo dhaafay ka sara maray xiddigii ay isku kooxda ahaayeen ee Blaise Matuidi, isla markaana barbareeyay laacibka Dominique Rocheteau, waxaana uu noqday ciyaaryahankii 14-aad ee ugu safashada badan taariihda kooxda.
Gool FM.