(Paris) 11 Okt 2020. Kooxda kubadda cagta Paris Saint-Germain ayaa la soo warinayaa inay weli xiiseynayso Cristiano Ronaldo.
Yeelkeede, CR7 ayaa la sheegayaa inuu qarka u saaran inuu diido xiisaha uga imaanaya Kooxda reer France ee PSG.
Warsidaha reer Talyaani ee Calciomercato ayaa warinaya in Kooxda ka dhisan caasimadda Faransiiska ee Paris Saint-Germain ay weli xiiso u qabto saxiixa Weeraryahanka Juventus ee Cristiano Ronaldo.
Xiddiga xulka qaranka Portugal waxa uu doonayaa inuu arko qandaraaskiisa kooxda haysata horyaalka Serie A, iyadoo imaatinka Andrea Pirlo uu dejinayo duufaan kasta oo soo ifbaxaya, waxaana Juve ay doonaysaa inay ku faro-adaygto CR7.
Kooxda kubadda cagta Juventus ayaan doonaynin si kastaba inay iska iibiso xiddigeeda sare ee Cristiano Ronaldo.
Gool FM.