(Yurub) 20 Okt 2020. Waxaa caawa la daah furay kulamada heerka group-yada ee tartanka UEFA Champions League, xilli ciyaareedkan 2020/21 iyadoo kooxihii caawa ciyaaray ay ugu muhiimsanaayeen Juventus, Machester United, Barcelona iyo Paris Saint-Germain.
Kooxda Juventus ayaa caawa guul gaartay la’aanta Cristiano Ronaldo, kaddib markii ay kaga adkaatay naadiga Dynamo Kyiv 0-2, kulankooda koowaad heerka group-yada ee tartanka UEFA Champions League, waxaana goolasha u dhaliyay weeraryahanka reer Spain ee Alvaro Morata.
Dhinaca kale Kooxda Barcelona ayaa guul muhiim ah kaga daah furatay tartanka UEFA Champions League xilli ciyaareedkan 2020/21, kaddib markii ay kaga adkaatay naadiga Ferencvaros 5-1, waxaana goolasha u kala dhaliyay, Lionel Messi, Ansu Fati, Philippe Coutinho, Pedri iyo Ousmane Dembele.
Dhanka kale Manchester United ayaa guul muhiim ah ka gaartay kooxda Paris Saint-Germain, kulankii la wada sugayay, kaddib markii ay kaga adkaatay 1-2, waxaana goolasha u kala dhaliyay Bruno Fernandes iyo Marcus Rashford.
Haddaba dhanka hoose kaga boggo natiijooyinka kulamadii caawa lagu daah furay heerka Group-yada tartanka xiisaha badan ee Champions League:
GROUP E
Chelsea 0 – 0 Sevilla
Rennes 1 – 1 FC Krasnodar
GROUP F
Zenit St. Petersburg 1 – 2 Club Brugge
Lazio 3 – 1 Borussia Dortmund
GROUP G
Dynamo Kyiv 0 – 2 Juventus
Barcelona 5 – 1 Ferencvaros
GROUP H
Paris Saint-Germain 1 – 2 Manchester United
RasenBallsport Leipzig 2 – 0 Istanbul Basaksehir.
SAWIRRO:
Gool FM.