(Paris) 02 Nof 2020. Weeraryahanka Kooxda Paris Saint-Germain ee Neymar jr ayaa lagu soo warinayaa inuu ku wargeliyey kooxdiisa inuu doonayo inuu sii joogo.
Neymar Jr ayaa lagu soo warramayaa inuu diyaar u yahay inuu kordhiyo qandaraaskiisa uu ku joogo garoonka Parc des Princes kaddib markii xagaagii la wariyey inuu ku soo laabanayo Kooxdiisii hore ee Barcelona.
Xiddiga xulka qaranka Brazil ayaa lala xiriirinayay inuu xagaaga oo dhan ku laaban doono garoonka Camp Nou, laakiin sababo la xiriira saameynta dhaqaale ee cudurka faafa ee Korona Fayras, kooxda reer Catalonia ayaan u dhaqaaqin ciyaaryahankeedii hore.
Dhibaatooyinka Barca ee daaha gadaashiisa ka socda ayaan si fiican loo caddeeyay xilligan, iyadoo Blaugrana ay isku dayayso inay kala xaajooto mushahar dhimista xiddiggeeda, tiiyoo ay doonayaan inay hoos u dhigaan mushaharkooda 170 milyan oo gini inta lagu jiro xiisadda KOFID 19.
Iyadoo ay taasi jirto haddana Warsidaha Foot Mercato ayaa warinaya in Neymar uu aqbalay in ku laabashada Camp Nou markii hore, balse haatan 28-sano jirkaan uu ku rajo weyn inuu qalinka ugu duugo heshiis cusub oo shan sanadood ah Kooxda PSG, halkaasoo uu haatan kula jiro qandaraas ku eg ilaa sanadka 2022-ka.
Si kastaba ha noqotee, heshiis kasta oo cusub ayaa lagu soo warramayaa inuu arki doono Neymar oo dalbanaya isla mushaharka uu haatan ka qaato kooxda haysata horyaalka Ligue 1, iyadoo ciyaaryahankii hore ee Barca uu jeebka ku shuban doono 32.4 milyan oo gini sanadkii inta uu ku sugan yahay caasimada Faransiiska.
Neymar ayaa haatan dhaliyey saddex gool, waxaana uu dhiibay saddex gool oo kale tartammada oo dhan xilli ciyaareedkan, guud ahaanna waxa uu u dhaliyey kooxda PSG tan iyo markii uu ku soo biiray 72 gool 89 kulan oo uu u saftay.
Gool FM.