(Yurub) 04 Nof 2020. Waxaa caawa la ciyaaray ciyaaro aad u xiiso badan ee ka tirsan kulamada saddexaad wareega Group-yada tartanka Champions League ee xilli ciyaareedkan 2020/21.
Kooxda Real Madrid aya guusheeda ugu horeysay olalheeda wareega Group-yada tartanka Champions League ee xilli ciyaareedkan 2020/21, ka gaartay naadiga Inter Milan, kaddib markii ay kaga adkaatay 3-2.
Qeybtii hore ee ciyaarta ayaa lagu kala nastay 2-1 ay ku hoggaamineysay kooxda Real Madrid.
Daqiiqadii 25-aad kooxda Real Madrid ayaa hoggaanka u qabatay dheesha waxaana 1-0 ka dhigay Karim Benzema.
33 daqiiqo marka ay aheyd dheesha Real Madrid ayaa la timid gool labaad, waxaana 2-0 ka dhigay Sergio Ramos, kaddib markii uu goolkan ka caawiyay saaxiibkiis Toni Kroos.
Laakiin daqiiqadii 35-aad Inter Milan ayaa dhalisay gool Lautaro Martinez ayaana ka dhigay 2-1, waxaana goolkan si qurux badan kaga caawiyay saaxiibkiis Nicolo Barella.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 68-aad kooxda Inter Milan ayaa dhalisay goolka barbardhaca, waxaana 2-2 ka dhigay Ivan Perisic, waxaana caawinta goolkan uu ka helay saaxiibkiis Lautaro Martinez.
Balse daqiiqadii 80-aad kooxda Los Blancos ayaa markale hoggaanka u qabatay dheesha waxaana 3-2 ka dhigay xiddiga reer Brazil ee Rodrygo, kaddib markii uu caawin ka helay saaxiibkiis Vinicius Junior.
Ugu dambeyntii ciyaarta ayaa ku soo idlaatay 3-2 ay kaga adkaatay Real Madrid kooxda Inter Milan oo marti ugu aheyd garoonka Alfredo Di Stefano.
Haddaba halkaan hoose ka eeg guud ahaan natiijooyinka kulammadii caawa laga ciyaaray Koobka Horyaallada Yurub ee Champions League:-
GROUP A
Lokomotiv Moscow 1 – 1 Atletico Madrid
Salzburg 2 – 6 Bayern Munich
GROUP B
Shakhtar Donetsk 0 – 6 Borussia Moenchengladbach
Real Madrid 3 – 2 Inter
GROUP C
FC Porto 3 – 0 Marseille
Manchester City 3 – 0 Olympiacos
GROUP D
Atalanta 0 – 5 Liverpool
FC Midtjylland 1 – 2 Ajax
SAWIRRO:
Gool FM.