(Yurub) 05 Nof 2020. Waxaa caawa la ciyaaray ciyaaro aad u xiiso badan ee ka tirsan kulamada saddexaad wareega Group-yada tartanka Champions League ee xilli ciyaareedkan 2020/21.
Kooxaha Juventus, Barcelona, Manchester United, Chelsea iyo Paris Saint-Germain ayaa ka mid ahaa kooxihii ugu muhiimsanaa ee caawa ciyaaray kulammadii koobka horyaallada Yurub.
Kooxda kubadda cagta Juventus ayaa guul ka soo heshay naadiga Ferencvaros oo ay ku booqatay garoonkeeda Puskas Arena, kaddib markii ay kaga soo adkaatay 1-4, goolasha waxaa u dhaliyay Bianconeri Alvaro Morata oo 2 gool ah, Paulo Dybala iyo gool uu iska dhaliyay Lasha Dvali.
Chelsea ayaa dhinaceeda guul kaga gaartay garoonkeeda Stamford Bridge kooxda Rennes, waxayna kaga adkaatay 3-0, goolasha Blues waxaa u dhaliyay Timo Werner oo 2 gool ah iyo Tammy Abraham.
Sidoo kale kooxda reer Spain ee Barcelona ayaa guul kaga gaartay garoonkeeda Camp Nou naadiga Dynamo Kyiv, kaddib markii ay kaga adkaatay 2-1, goolasha Blaugrana waxaa u dhaliyay kabtankooda Lionel Messi iyo Gerard Pique.
Haddaba halkaan hoose ka eeg guud ahaan natiijooyinka kulammadii caawa laga ciyaaray Koobka Horyaallada Yurub ee Champions League:-
GROUP E
Chelsea 3 – 0 Rennes
Sevilla 3 – 2 FC Krasnodar
GROUP F
Zenit St. Petersburg 1 – 1 Lazio
Club Brugge 0 – 3 Borussia Dortmund
GROUP G
Barcelona 2 – 1 Dynamo Kyiv
Ferencvaros 1 – 4 Juventus
GROUP H
Istanbul Basaksehir 2 – 1 Manchester United
RasenBallsport Leipzig 2 – 1 Paris Saint-Germain
SAWIRRO:
Gool FM.