(Barcelona) 12 Nof 2020. Aabaha dhalay Lionel Messi ayaa ka hadlay wararka Weeraryahanka Kooxda Barcelona la xiriirinaya PSG.
Lionel Messi Aabihiis ahna Wakiilkiisa Jorge ayaa si cad u beeniyay in xiddiga Barcelona uu ka fiirsanayo u dhaqaaqista Kooxda Paris Saint-Germain xagaaga soo aaddan.
Mustaqbalka ciyaaryahanka reer Argentine ayaa ahaa mawduucyada ugu xiisaha badan agagaarka garoonka Camp Nou tan iyo markii uu muujiyay rabitaankiisa ah inuu doonayo inuu ka tago oo laga fasaxo kooxda uu ku caan baxay ee Barca bishii Agoosto.
Ciyaaryahan iyo kooxda waa ay heshiiyeen, Messi ayaa wareysi gaar ah oo uu siiyay Goal.com waxa uu ku sheegay in sida kaliya ee uu kaga tagi lahaa xagaaga 2020 ay ahayd haddii koox ay bixiso heshiiskiisa lagu burburin karo qandaraaskiisa ee 700 milyan oo euro.
Si kastaba ha noqotee, Lionel Messi ayaa Aabihiisa waxa uu warinayaa inaysan waxba ka jirin wararka soo jeedinaya in kabtanka kooxda Barcelona uu ka fikirayo inuu xagaaga soo socda u dhaqaaqo PSG.
Dhinaca kale Weeraryahanka Kooxda Juventus iyo xulka qaranka Portugal ee Cristiano Ronaldo ayaa dhankiisa maalmihii ugu dambeeyey la la xiriirinayey kooxda PSG oo doonaysa saxiixiisa.
Gool FM.