(Paris) 12 Nof 2016 – Xulka qaranka Faransiiska ayaa hoggaanka u qabtay Qeybta A ee isreeb-reebka Koobka Adduunka kaddib guul soo laabasho 2-1 ah oo ay ka gaareen dhiggooda Sweden.
Kulankan oo ka dhacay garoonka Stade de France ayaa qeybtii hore lagu kala nastay barbaro goolal la’aan 0-0, laakiin markii dib la isugu soo laabtay ayaa waxaa goolka la horreeyey xulka martida ahaa ee Sweden, waxaana 54’daqiiqo laad xor ah (free kick) oo toos ah ugu shubay France xididga Emil Forsberg.
Xulka martida loo ahaa ee Faransiiska ayaa labo gool oo ay u kala dhaliyeen Paul Pogba iyo Dimitri Payet guul soo laabasho ah kaga gaaray Sweden, waxaana ay 10-dhibcood ku qabteen hoggaanka Guruubkan A.
Sweden ayaa kaalinta labaad ee Guruubka A ku jira kaasoo leh 7-dhibcood, waxaana guuldarradan ay uga dhigan tahay toodii saddexaad ee soo gaarta xulkan Sweden shantii kulan ee ugu dambeeyey oo ay aadeen France.
DAAWO GOOLASHA KULANKAN:
Gool FM.