(Paris) 17 Dis 2020. Waxaa la isweydiinayaa waxa ka soo kordhacay wararkii Kylian Mbappe la xiriirinayey Kooxda Real Madrid.
Xiddiga Kooxda PSG ee Kylian Mbappe ayaa la soo warinayaa inuu Albaabada u furay inuu u dhaqaaqo Los Blancos.
Jariiradda AS ee dalka Spain ayaa warinaya in Kylian Mbappe uu weli doonayo inuu u dhaqaaqo kooxda reer Spain ee Real Madrid.
Barcelona ayaa laga yaabaa inay gacan ka geysato inay ka caawiso kooxda ay xafiiltamaan ee Los Blanocs sidii ay kula soo wareegi lahaayeen Kylian Mbappe, iyadoo taasi ka dhigan tahay inay Paris Saint-Germain guuldarro kale ku soo gaareyso bixitaanka laacibkan.
Yeelkeede, Mbappe ayaa ku biiri kara Real Madrid oo isaga tagi kara Paris Saint-Germain haddii Leo Messi uu u wareego dhinaca kooxda ka dhisan caasimadda Faransiiska, taasoo caawinaya Los Blancos.
PSG ayaa Blaugrana ku wajahaysa wareegga 16-ka Champions League xilli ciyaareedkan, iyadoo Mbappe uusan weli qandaraaska u dheereynin kooxdiisa, maadaama uu heshiiskiisu dhacayo sanadka 2022-ka.
Gool FM.