(Paris) 02 Maarso 2021. Tababaraha kooxda Paris Saint-Germain ee Mauricio Pochettino ayaa u digay xiddigihiisa kahor kulanka soo socda ee Barcelona ay ku wada ciyaari doonaan lugta labaad wareega 16-ka tartanka Champions League.
Paris Saint-Germain ayaa guul muhiim ah ka soo heshay kooxda oo ay ku booqatay Barcelona garoonka Camp Nou, kulankii lugta hore wareega 16-ka ee tartanka Champions League, kaddib markii ay kaga soo adkaatay 1-4.
Pochettino ayaa carabka ku adkeeyay in natiijadii weyneyd ee kulankii lugta hore aysan aheyn inay kalsooni siiso ciyaartoydiisa ka hor inta aysan ciyaarin kulanka soo laabashada, wuxuuna yiri:
“Kubadda cagta wax walba waa macquul, waxyaabaha ugu layaabka badan ayaa dhici kara, ha ahaato mid wanaagsan ama mid xunba.”
“Mararka qaar waxyaabo aan la rumaysan karin ayaa dhici kara, waana sababta aan u door bidayo in aan ka fikiro inay tahay inaad mar labaad guuleysato si looga fogaado wixii lama filaan ah ee xun.”
“Si kastaba ha noqotee, waan fiicanahay, waxaana ugu soo xaadirnaa dhamaan kulammada si isku mid ah, mar walba maskaxdeena waxay abuurtaa dareen wanaagsan, waa inaan kaqeyb galnaa dhibaatooyinka oo dhan, oo aan ahaano kuwo xoogan, maskax ahaana u xoogan, kaliya ma ahan kulanka lugta labaad laakin kulammada oo dhan.”
Gool FM.