(Yurub) 18 Maarso 2021. Halyeyga Real Madrid iyo qaranka Portugal ee Luis Figo ayaa magacaabay lix ciyaaryahan oo uu u arko inay yihiin kuwa ugu wanaagsan xilligan kubadda cagta.
Mohamed Salah ayaa ah xiddiga kaliya ee ka ciyaara horyaalka Ingiriiska oo uu kusoo daray diiwaankiisa xiddigaha ugu wanaagsan kubadda cagta.
/cdn.vox-cdn.com/uploads/chorus_image/image/68552303/1282032147.0.jpg)
Figo oo usoo ciyaaray qaar ka mid ah kooxaha ugu waaweyn qaaradda Yurub sida Barcelona, Real Madrid iyo Inter Milan ayaa ku guuleystay abaal-marinta xiddiga sanadka ee Ballon d’Or intii uu ku gudo jiray waayihiisa kubadda cagta.
Kabtankii hore ee Portugal ayaa liiska xiddigaha ugu wanaagsan xilligan kubadda cagta kusoo koobay lix ciyaaryahan oo ay hor kacayaan Cristiano Ronaldo iyo Lionel Messi.
Laacibka ka dhaxlay lambarka toddobaad iyo kabtannimada dalka Portugal ayaa diiwaankan hoggaamiye kaga dhigay, waxaana uu booska labaad fariisiyay kabtanka Barcelona iyo qaranka Argentina.
Luka Modric oo u ciyaara Real Madrid ayuu ka dhigay dooqiisa saddexaad, halka xiddigaha Paris Sain-Germain ee Kylian Mbappe iyo Neymar Jr oo kala siiyay boosaska afaraad iyo shanaad.
Figo ayaa diiwaankiisa kusoo xiray weeraryahanka xulka Masar iyo kooxda Liverpool ee Mohamed Salah kaasoo lix ka dhigay liiska xiddigaha ugu wanaagsan xilligan kubadda cagta sida uu u arko Luis Figo.
Gool FM.