(Yurub) 28 Maarso 2018. Halyeeyga xulka qaranka Ukraine iyo kooxda AC Milan ee Andriy Shevchenko ayaa sheegay in Kylian Mbappé uu horyaalo mustaqbal ifaaya, isagoo carabka ku adkeeyay in loo caleemo saari doono abaal-marinta Ballon d’Or mustaqbalka.
Kylian Mbappé ayaa noqday mid ka mid ah ciyaartoyda ugu muhiimsan adduunka kaddib markii uu bandhig cajiib ah ka sameeyay kooxaha Monaco iyo Paris Saint-Germain.
Magaca Kylian Mbappé ayaa waxaa si dhow lala xiriirinayaa inuu u dhaqaaqi doono kooxda Real Madrid, maadaama loo arko inuu yahay bar-tilmaameedka ugu muhiimsan ee Los Blancos muddo dheer.
Shbakada “Goal” ayaa waxay shaaca ka qaaday wareysi uu bixiyay Andriy Shevchenko, wuxuuna yiri:
“Kylian Mbappé? Waan ognahay sida uu u wanaagsan yahay, wuxuu leeyahay mustaqbal aan caadi aheyn.”
“Waa nin dhalinyaro ah oo ay tahay inuu ku guuleysto abaal-marino badan oo Ballon d’Or ah, sababtoo ah wuu u qalmaa.” Ayuu yiri Andriy Shevchenko.
Gool FM.