(Paris) 01 Dis 2016. Dhaliyaha reer Uruguay Edinson Cavani ayaa ku soo biiray liiska Boqoleyda ee naadiga PSG kaddib goolkii uu dhaliyay kulankii dhawaa ay 2-0 uga adkaadeen naadiga Angers.
Cavani ayaa ku soo biiray kooxda reer France sanadii 2013 wuxuuna iminka u dhaliyay goolkiisii 100-aad dhammaan tartamada oo idil.
81-gool ayuu dhaliyay saddexdii sano ee la soo dhaafay isagoo 19-ku darsaday kal ciyaareedka 2016-17.
29-jirka ayaa u baahday si uu boqol gool ugu dhaliyo PSG 166-kulan iyadoo xilli ciyaareedkii 2013-14 uu ahaa kiisii ugu fiicnaa wuxuuna dhaliyay 31-gool.
Gool FM.