(Buenos Aires) 17 Maajo 2021. Tababaraha xulka qaranka dalka Argentina ee Lionel Scaloni ayaa soo saaray safkiisa rasmiga ah ee ciyaari doona kulammada is-reeb-reebka Koobka Adduunka ee xulalka Koonfurta Ameerika iyadoo uu hoggaaminayo Kabtan Lionel Messi.
Xiddigaha ugu badan uguna muhiimsan xulka ayaa laga soo xulay kooxaha qaaradda Yurub, waxaana xulka kasoo muuqday xiddigo ku cusub sida Emiliano Buendia, Lisandro Martinez iyo Cristian Romero halka haldoorrada xulka ee Messi, Angel di Maria iyo Sergio Aguero ay qayb ka yihiin safka Scaloni usoo xushay kulammada Chile iyo Colombia ee bisha June.
Dhanka kale, Paulo Dybala iyo Mauro Icardi ayaa laga waayay diiwaankan, waxaana la yaab noqotay in Dybala laga reebay safka xulka Albiceleste inkastoo loo aaneynayo qaab-ciyaareedkii liitay ee uu fasalkan kusoo bandhigay kooxdiisa Juventus.
Haddaba sawirka hoose ka eeg dhammaan xiddigaha xulka qaranka Argentina ee ciyaari doona kulammada is-reeb-reebka Koobka Adduunka ee xulalka hoos tagay xiriirka CONMEBOL iyo kooxaha ay ka tirsan yihiin:
Gool FM.