(Barcelona) 12 Juun 2021. Dukaanka rasmiga ah ee Kooxd Barcelona ayaa maanta oo Sabti ah soo bandhigay maaliyadda Memphis Depay uu naadiga u xiran doono xilli ciyaareedka soo aaddan.
Weeraryahanka nreer Holland ayaa la la xiriirinayay inuu u dhaqaaqayo garoonka Camp Nou tan iyo xagaagii hore, waxaana laga yaabaa inuu u dhaqaaqo kooxda reer Catalan suuqa xagaagan, laakiin weli wax lama xaqiijin.
Wuxuu ka tagi doonaa kooxda Lyon isagoo ah beeca xorta ah xagaagan, waxayna u muuqataa inuu kubiiri karo Barcelona, halkaasoo dukaankooda rasmiga ah ee qalabkooda lagu iibiyo ee Online-ka uu Depay ka soo muuqday liiska maaliyadahooda ee la iibinayo, taasoo muujinaysa in kooxdu isku diyaarinayso ku dhawaaqistooda rasmiga ah ee saxiixa xiddigan.
Marka aad gujisid magaca maaliyadda Memphis Depay ee kooxda Barcelona ay soo dhigtay dukaankeeda Online-ka, waxaa arkeysaa in la iibinayo maaliyaddaas lacag dhan 160,00 oo euro.
Arrintaan ayaa ku soo aadaysa xilli Barcelona ay Talaadada soo aaddan soo bandhigi doonto maaliyadda ay ku ciyaari doonto fasal ciyaareedka cusub ee 2021/22.
Gool FM.