(Paris) 10 Dis 2016 Kooxda PSG ee horyaalka faransiiska ayaa amaah ku doonaysa laacibka kooxda Real Madrid ee James Rodriguez suuqa kala iibsiga ee janaayo.
James Rodriguez ayaa ku dhibtoonaya inuu boos joogto ah ka helo kooxdiisa xiliciyaareed kan, laakiin PSG ayaa diyaar u ah inay ku qanciso Real in amaah ay ku qaadato laacibka reer Colombia.
Sida ay baahisay Le 10 Sport, James Rodriguez ayaan ku faraxsanayn inuu keydka uga jiro Real Madrid, wuxuuna qorshaynayaa inuu katago kooxdiisa suuqa janaayo.
Milkiilaha kooxda PSG ayaa la soo sheegayaa in wadahadalo isdaba joog ah uu kula jiray Real Madrid maalmihii la soo dhaafay si uu ugu qanciyo inuu amaah ku qaato James Rodriguez suuqa janaayo.
Lama oga sida Real ay ku aqbali karto amaahda PSG ay soo hordhigtay maadama tababare Zidane uu dhawr jeer ku cel-celiyay in James uusan meelna uga socon kooxda.
Gool FM