(Paris) 11 Dis 2016 Kooxda reer France ee PSG ayaa qorshaynaysa inay iska cayriso tababaraha reer Spain ee Unai Emery haddii guul daro ay ka soo gaarto kooxda Nice.
PSG ayaa marti qaadi doonta dhigeeda Nice oo hogaanka u haysa horyaalka isla markaana ka saraysa 4-dhibic, maamulka ayaana qorshaynaya inay iska cayriyaan Unai Emery haddii ay guul daraystaan.
Le 10 Sport ayaa daaha ka qaaday in milkiilaha kooxda PSG uu qorshaynayo inuu cayriyo Unai Emery isla markaana uu tababare u magacaabo agaasimaha Sportiga PSG ee Patrick Kluivert.
Unai Emery ayaa ku hogaamiyay xiliciyaareed kan kooxda PSG guul darooyin uusan la dhicin maamulka kooxda, PSG ayaa haatan ku jirta booska 3-aad ee kala saraynta horyaalka halka ay booska labaad ka gashay guruubkeeda koobka horyaalada yurub.
Gool FM