(Paris) 05 Luulyo 2021. Halyeeyga reer France ee Nicolas Anelka ayaa fariin adag u diray weeraryahanka kooxda Paris Saint-Germain ee Kylian Mbappé, isagoo ka codsaday inuu si dhaqso leh uga tago PSG, haddii uu doonayo inuu ku guuleysto abaal-marinta Ballon d’Or.
Magaca Kylian Mbappé ayaa muddo dheer lala xiriirinayay inuu ku biirayo kooxda Real Madrid, laakiin maamulka Los Blancos ma aysan ku guuleysan in saraakiisha Paris Saint-Germain ay ku qanciyaan inay helaan adeegga Mbappé.
Warar saxaafadeed ayaa waxay xaqiijiyeen in Kylian Mbappé uu diiday inuu cusbooneysiiyo qandaraaska uu kula joogo Paris Saint-Germain, kaasoo dhici doona xagaaga soo aadan, taasoo kooxda galinaysa dhibaato weyn.
Sida laga soo xigtay wargeyska “AS” ee dalka Spain Nicolas Anelka ayaa wareysi uu bixiyay wuxuu ku sheegay:
“Gacaliye Kylian, goolasha waa daawo, haddii aad dooneysid ku guuleysiga abaal-marino waa weyn waa inaad ka tagtaa Paris Saint-Germain.”
“Waxaad haysataa laba doorasho, inaad joogto Paris ama inaad aado Real Madrid, labada xaaladoodba waxaa lagu guuleysan karaa koobka Champions League, laakiin doorashada marwalba waxay ku xirantahay waxaad rabto inaad kaga guuleysato kubadda cagta.”
“Haddii aad rabto inaad gaarto meesha ugu sarreysa ammaanta, waa inaad ka tagtaa Paris, sababtoo ah wax kasta oo aad sameyso, ma gaari doontid waxa lagu gaari karo England, Spain, ama Talyaaniga, tusaale ahaan.”
“Kuma guuleysan kartid Ballon d’Or-ka adigoo jooga Paris, waa inaad aado England ama Spain si aad taas u sameyso.”
Gool FM.