(England) 08 Luulyo 2021. Waxaa sii kordhaya hardanka loogu jiro saxiixa xiddiga khadka dhexe kaga ciyaara naadiga Rennes ee Eduardo Camavinga iyadoo haatanna naadiyo cusub kusoo biirayaan doonistiisa.
Warka ka imaanaya dalka France, ayaa sheegaya inay Chelsea haatan kusoo biirtay loollanka loogu jiro saxiixa xiddiga da’yarka cajiibka ah iyadoo noqotay naadigii labaad ee ka dhisan Ingiriiska taasoo si cad xiiso ugu muujisa Camavinga.
Manchester United ayaa diiwaanka xiddigaha ay dooneyso ku darsatay dhowaan laacibkan 18-sano jirka ah, waxayna hardan kula jirtaa kooxaha Paris Saint-Germain iyo Real Madrid.
Majaladda Le Parisien ayaa baahisay inay Blues si toos ah xiriir ula sameysay naadiga Rennes si ay kaga soo qaadato Camavinga, inkastoo warkeeda ay ku dartay inay Los Blancos hoggaanka u heyso raacdada loogu jiro helitaanka adeegga xiddiga Faransiiska ah.
Gool FM.